અભ્યાસિકા મંડલ ત્રૈમાસિક અહેવાલ

રજાઓના સમયગાળા દરમિયાન અભ્યાસિકા મંડલ અને મહારાજા સયાજીરાવ વિશ્વવિદ્યાલય દ્વારા એક નવીન પહેલરૂપે Vacation Certificate Coursesનું આયોજન કરવામાં આવ્યું હતું. આ કોર્સોનો મુખ્ય હેતુ વિદ્યાર્થીઓને ખૂબ જ ઓછા મૂલ્યમાં પ્રોફેશનલ ટ્રેનિંગ પૂરું પાડવાનો હતો, જેથી તેઓ રજાના સમયનો યોગ્ય અને ઉપયોગી ઉપયોગ કરી શકે. આ કાર્યક્રમ બે અઠવાડિયા, એટલે કે 13 મે થી 29 મે દરમિયાન યોજાયો હતો.

આ અંતર્ગત બે અલગ-અલગ કોર્સો ચલાવવામાં આવ્યા હતા. પ્રથમ કોર્સ “Spoken English and Writing & Personality Development” હતો, જેમાં વિદ્યાર્થીઓમાં સંચાર કૌશલ્ય, વ્યક્તિત્વ વિકાસ, નેતૃત્વ કળા અને અંગ્રેજી ભાષાનો ડર દૂર કરવાનો પ્રયત્ન કરવામાં આવ્યો હતો; આ કોર્સમાં કુલ 21 વિદ્યાર્થીઓએ ભાગ લીધો હતો. બીજો કોર્સ “Excel Basic & Advance” હતો, જે ખાસ કરીને કોમર્સના વિદ્યાર્થીઓને ધ્યાનમાં રાખીને રચાયો હતો, જેથી તેઓ પોતાના અભ્યાસક્રમને વ્યવહારિક જીવનમાં વધુ અસરકારક રીતે ઉપયોગમાં લઈ શકે; આ કોર્સમાં લગભગ 40 વિદ્યાર્થીઓ જોડાયા હતા.

બંને કોર્સ દરમિયાન વર્ગખંડ તેમજ કમ્પ્યુટર રૂમ મહારાજા સયાજીરાવ વિશ્વવિદ્યાલય દ્વારા ઉપલબ્ધ કરાવવામાં આવ્યા હતા, જેના કારણે તાલીમ સુવ્યવસ્થિત રીતે ચાલી શકી. સર્ટિફિકેટ વિતરણના દિવસે કોમર્સ વિભાગના ડીન ડો. પ્રજ્ઞેશભાઈ શાહ ઉપસ્થિત રહ્યા હતા અને તેમણે વિદ્યાર્થીઓનો ઉત્સાહ વધાર્યો હતો. આવા વેકેશન સર્ટિફિકેટ કોર્સો વિદ્યાર્થીઓ માટે માત્ર તાલીમનો અવસર જ નથી, પરંતુ તેમના આત્મવિશ્વાસ, વ્યાવસાયિક કૌશલ્ય અને કારકિર્દીગત તૈયારી માટે પણ અત્યંત ઉપયોગી સાબિત થાય છે.

* * *